केटा-केटीको प्रोटोकल

Originally published in today’s Kantipur
एन्जेला मर्केल रोमानो प्रोदीसँग गफिइरहेकी हुन्छिन्, भिडियोमा अचानक जर्ज डब्लू बुस देखापर्छन् । अघिसम्म औपचारिक कुराकानीजस्तो लाग्ने माहोलमा अनपेक्षित परिवर्तन आउँछ । संसार हाँक्ने महामहिम अमेरिकी राष्ट्रपतिका हात जर्मन चान्सलर मर्केलका गला र कुम मसाज गर्न मस्त हुन्छन् । लाजले होला, इटालीका प्रधानमन्त्री प्रोदी आफ्ना आँखा सामुन्नेका कागजतिर डुलाउँछन् । असहज अवस्थामा पुगेकी मर्केलको अनुहारमा आश्चर्य झल्किन्छ । उनी बुसतिर हेर्छिन् र जबरजस्ती मुस्कान फाल्छिन् । भिडियो हेर्ने हरकोही महिला मर्केलको असजिलोपना महसुस गर्न सक्छन् ।

Gropper in chief in Action
Bush rubs Merkel the wrong way

पाँच सेकेन्डको यो भिडियोले इन्टरनेटको दुनियाँमा तहल्का मच्चायो । अनेकन नामले चिनिने बुसको पुनः न्वारन भयो । पृथ्वीको सर्वशक्तिमान सेनाका प्रमुख ‘ग्रोपर इन चिफ’ -अरूलाई सुम्सुम्याएर यौन सन्तुष्टि लिनेहरूका प्रमुख) र ‘लाउन्ज लिजार्ड’ -ठूला कोठामा खुसुक्क घिसि्रने) भए । जर्मन अखबार ‘ब्लिज’ ले वेभसाइटमा भिडियोका प्रत्येक प|mेमको विश्लेषण गरेको छ भने डायलग इन्टरनेसनलले लेख्यो- ‘आफ्ना -भाषणका) लेखक तथा सहयोगी नहुँदा बुसमा बौद्धिकताको अभाव र भावनात्मकरूपमा केटाकेटीपना स्पष्ट झल्किन्छ ।’ पूर्व अमेरिकी राष्ट्रपति विल क्लिन्टनकी लामो समयदेखिकी साथी तथा डेमोक्रेटिक पार्टी कार्यकर्ता मार्था ह्वेट्स्टोनले उक्त घटनाबारे गरेको विश्लेषण कम रोचक छैन । ‘के रोनाल्ड रेगनले बेलायती प्रधानमन्त्री मार्गरेट थ्याचरलाई त्यस्तो गरेका थिए ? अनि सम्बन्ध राम्रो भएको ठान्ने बुस त्यस्तै मसाज -रूसी राष्ट्रपति) भ्लादिमिर पुटिनलाई चाहिँ किन गर्दैनन् ? यो भिडियो यौन दुव्र्यवहारसम्बन्धी तालिमहरूमा प्रयोग गरिनुपर्छ र सबैका लागि ‘हाकिमले त्यस्तो काम कदापि गर्नुहुन्न’ भन्ने पाठ हुनुपर्छ ।’

यो प्रसंग खुट्टो टेक्ने ठाउँ नभए पनि ‘भित्र जाऊ’ भन्ने काठमाडौंको बस सेवा ‘नेपाल यातायात’ को होइन न त मान्छे कोचिएपछि फुट्लाजस्तो देखिने भक्तपुर मिनीबस कै हो । त्यो त जी-८ को अघिल्लो साता रूसमा सम्पन्न बैठक हो जहाँ विश्वका सबैभन्दा विकसित राष्ट्र प्रमुखहरू भेला हुन्छन् । त्यस्ता बैठकमा हातको प्रयोग ज्यादातर ‘ह्यान्ड सेक’ र सम्झौताहरूमा हस्ताक्षर गर्न गरिन्छ । कहिलेकाहीँ ती हातले मसाज पनि गर्दारहेछन् भन्नेचाहिँ यसैपालि मात्र थाहा पाइयो । बुसले जी-८ बैठकमा सहभागी एक्ली महिला मर्केललाई ‘मुफ्त मसाज’ प्रदान गर्नुको कारण उनी नै जानुन् तर त्यस्ता अनपेक्षित र नमागिएका स्पर्शहरूको अनुभव नभएका महिला सायदै भेटिएलान् ।

मान्छे कोचिएका बसमा होस् वा भीडमा, अँध्यारो फिल्म हलमा वा खुला मैदानमै, दुव्र्यवहारी जहाँ पनि चालू हुन्छन् । केटी देख्न पाएको छैन, सुरु भइहाल्यो हर्कत । मर्केलपछि प्रसंग नेपालमै ल्याउँ, दुव्र्यवहार भोग्दाको मेरो पहिलो अनुभव सुनाउँ । म ११ कक्षामा पढ्थ्ों र १० वर्षे होस्टल जीवनपश्चात् बाहिर निस्कँदा हरेक कुरालाई बाल निर्दोषताका आँखाबाट हेथ्ोर्ेें । चारैतिर राम्रा कुरामात्र देख्थें र मेरा निम्ति सब मान्छे जाति थिए ।

बिहानीको अफिस/कलेज टाइम भएकाले ‘नेपाल यातायात’ मान्छेले खचाखच थियो । दाह्रीबिनाको चिल्लो अनुहार, सुनौला प|mेम भएको चस्मा, इस्त्री लगाएको हल्का पहेंलो रङको सर्ट र सुनौलो रङकै घडी लगाएका ३० वर्ष जतिका एक ‘भद्रपुरुष’ ठ्याक्क मेरो पछाडि उभिएका थिए । घडीलाई फेसन स्टेटमेन्ट मान्ने हुनाले म मेरा आँखै अगाडिको उनको हातको ‘समय मेसिन’ लाई अवलोकन गर्नमै व्यस्त थिएँ । केही समयपछि कसैले कम्मरमा समातेझैं लाग्यो । सोचें, धेरै भीड भएकाले कसैले समात्ने ठाउँ नपाएर समाएको होला । अप्ठेरोमा परेकोलाई मद्दतै हुन्छ । तर मस्तिष्कले जति सकारात्मक सोचे पनि शरीरले अत्यन्तै असजिलो महसुस गर्न थालेपछि मैले त्यो अन्जान हात हटाएँ । पन्छाउन पाएको छैन, हात पहिलेकै ठाउँमा आयो, मानौं म कुनै चुम्बक थिएँ र हातचाहिँ फलामको धूलो । बोल्न त परै जावस्, म ठीक तरिकाले सोच्न पनि सकिरहेकी थिइनँ । बसबाट नउत्रेसम्म ‘हात राख्ने’ र पन्छाउने प्रक्रिया चलिरह्यो । जतिसुकै भीड भए पनि कसैको कम्मर समात्ने स्थिति कहिल्यै आउँदैन भन्ने कुरा सिकियो, सबै चस्मा लगाउने व्यक्ति सभ्य हुँदैनन् भन्ने मूल मन्त्रकै रूपमा ग्रहण गरियो ।

कसले कति बोल्ने भन्ने मात्रै हो, नत्र सार्वजनिक यातायात प्रयोग गर्ने महिलाहरूका लागि यस्ता घटना समान्य हुन थाले । ‘नानी कता ? हामी सँगै आउन’ जस्ता टिप्पणी जिस्काको कम, ‘संवाद थाल्ने असफल प्रयास’ ज्यादा लाग्छ । तर सधैं त्यस्ता स्वच्छ शब्दहरू मिश्रत सरल वाक्यमात्र कहाँ सुन्न पाइन्छ र ? एकपटक बाटो हिंड्दा एक अधवैंशेले म माथि अश्लील शब्दहरूको वषर्ा गर्‍यो । गर्मीमा बाहुले सर्ट र लुज जिन्स लगाएर चुप लागेर हिंड्दासमेत नेपाली अश्लील शब्दभन्डारहरूको झल्को पाउँदा म तीन छक परें । आफैंमा केही खराबी छ कि जस्तो पनि लाग्यो । मौखिक दुव्र्यवहारको विशेषता त्यही हो, कानमा कम तर मनावैज्ञानिक असर ज्यादा । कुरो एकांगीजस्तो लाग्ला तर बेलाबखत केटीहरूले केटालाई र्‍याखर्‍याखती पारेको नसुनिएको होइन । तर आक्ललझुक्कल विशेषतः महिला कलेज परिसरमा केटीहरूले केटा जिस्काउनु र घरबाट निस्कँदा टिप्पणीहरू सुन्ने मानसिकता बनाएर हिँड्नुपर्ने अवस्थामा ठूलो अन्तर छ ।

युवा भएकाले हामी नयाँ कुरा सजिलै अँगाल्छौं । उदार सोच भनौं या पश्चिमाकरणको प्रभाव, नमस्ते छाडेर हामी साथी -केटा होस् या केटी) सँग हात मिलाउँछौं, खुलस्त जिस्किन्छौं र त्यति गर्दैमा ‘लभ’ परेको पनि मान्दैनौं । यत्रो परिवर्तन आइसक्दा पनि केटाहरू पुराना हिन्दी फिल्मका गुन्डाकै शैलीमा प्रस्तुत हुने ? केटी देखेपछि जिब्रो नफड्कारेसम्म खाएको पनि नपच्ने हो कि ? दुईचार कमेन्ट पास -टिप्पणी) नगरेसम्म पाइला अगाडि नबढ्ने हो

कि ? केटाहरूको समस्या के हो, मलाई वास्तमै जान्ने इच्छा छ । -प्रश्न उठ्न सक्छ, मचाहिँ केटाहरूले घोरिएर हेरेको कसरी थाहा पाउँछु ? हो, केटीहरूले केटा नहेर्ने होइनन्, हेरिन्छ । तर कलात्मक शैलीमा, अवरोध नपुर्‍याइकन । मेरा साथीको समेत अनुभव छ, केटीलाई एकै झल्को काफी हुन्छ केटालाई नियाल्न । अरूलाई असजिलो हुनेगरी घोरिइरहन पर्दैन । बाटो हिँड्ने केटीलाई घोरिएर हेर्ने केटा देख्दा घरीघरी मलाई बीच बाटोमै मेरा टाउकामा सिंग उम्रे कि जस्तो लाग्छ ।)

नबोल्दा त्यत्रो खसखस हुन्छ भने राम्रैसँग कुरा गरांै न । सायद हाम्रा पुरुष मित्रले यी नेपाल यातायातका कन्डक्टरबाट केही सिक्न सक्छन् । कुरा केही अघिको हो, भाडा माग्दै ती कन्डक्टर मेरा अगाडि आइपुगे । म भाडा दिँदै थिए, उनको ध्यान मेरा दाँत बाँध्न प्रयोग गरिएको तारले तानेछ ।

‘तपाईंलाई बोल्न गाह्रो हुँदैन ?’ ब्रेसेजलाई इंगित गर्दै उनले सोधे ।
‘हुँदैन,’ अनपेक्षित प्रश्न भए पनि मैले हाँस्दै जवाफ दिएँ- ‘लगाएको धेरै भइसक्यो ।’
उनले मलाई चकित पार्ने गरी अनुरोध गरे- ‘ईई गर्नुस् त ।’
अगाडि उभिएर, शिर ठाडो बनाएर गरिएको त्यो अनुरोध सुनेपछि मैले कुन बेला ‘ईर्ईई’ गरेर दाँत देखाइदिएछु, पत्तै पाइन । उनले दाँत अवलोकन गरे र अगाडि फर्के । -अँ साँची, उनका दाँतचाहिँ अनारकै दानाजस्ता मिलेका थिए ।)

च्याट र इ-लभको प्रभाव बढिरहेको यो अवस्थामा अब इ-विवाह पनि सुरु भइसक्यो । नदेखेको र नभेटेको मान्छेसँग गफगर्दा त्यति धेरै सम्भावना हुन्छन् भने प्रत्यक्ष अगाडि उभिएको मान्छेसँग राम्रै मिजासमा कुरा गर्दा भइहाल्यो । कुरा अगाडिबाट हुनुपर्‍यो, आमनेसामने । आँखामा आँखा राखेर । ती कन्डक्टरले जस्तो । अनि जर्ज डब्लु बुस, स्वतन्त्र विश्वका नेताले पनि साह्रै मन भए मर्केलका अगाडि उभिएर मसाज गर्नुपर्‍यो, पूर्व स्वीकृति लिएर । बिरालाका चालमा पछाडिबाट आएर ‘सरप्राइज’ दिने होइन । सोच के हुनुपर्‍यो भने महिला-पुरुष समान हुन् र तीमध्ये एकले अर्कोसँग व्यवहार गर्दा त्यही ‘प्रोटोकल’ अपनाउनु पर्छ । त्यो प्रोटोकल जी-८ बैठकदेखि नेपाल यातायातसम्म कायम गरिनुपर्छ ।

Advertisements

3 comments

  1. This article is completely biased towards female.
    And here you have tried to say that, man are not good.They are always thinking of chance to disturb other.
    But why you haven’t written about female who likes to disturb other and fact that I’m hunted many times by female somewhere.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s